Gërmimet arkeologjike në Cernicë të Gjilanit

Kanë nisur gërmimet arkeologjike në Cernicë të Gjilanit, një lokalitet tejet i rëndësishëm për nga historia. Aty po punohet me profesionalizëm nga ekipi i ekspertëve të kësaj fushe.

Gradina e Cernicës, bazuar në materialin e zbuluar arkeologjik, përfaqëson njërin nga vendbanimet kryesore të periudhës së hekurit dhe asaj helenistike - periudha e Mbretërisë Dardane.

Përmes zbulimeve të reja arkeologjike tregohet historia e lashtë e vendit tonë dhe këto lokalitete po marrin vëmendjen e duhur shtetërore.