Përurohet shtëpia e Kulturës në Obiliq
Ministri i Kulturës, Rinisë dhe Sportit, Kujtim Gashi ka përurua sot Shtëpinë e Kulturës “Xhavit Haziri” në qytetin e Obiliqit, projekt ky i financuar nga Ministria e Kulturës, Rinisë dhe Sportit.
Në ditën e çlirimit të Komunës së Obiliqit, në një ceremoni festive me shumë aktivitete kulturore është përuruar pallati i shtëpisë së kulturës së këtij qyteti.
Me këtë rast, ministri Gashi tha se \"pa dyshim është një ditë e veçantë, që në këtë ditë feste për qytetaret e Komunës së Obiliqit ne po e përurojmë një objekt të bukur i cili i ka munguar qytetareve të kësaj komune. Shtëpia e Kulturës” Xhavit Haziri” i cili mban emrin e heroit te kombit është një projekt i cili është i mbështetur financiarisht nga ministria e Kulturës, Rinisë dhe Sportit”.
Tutje ministri Gashi tha se “mbetet përkushtim i yni që për të gjitha komunat e vendit tone të krijojmë infrastrukturën e nevojshme për zhvillimin e jetës kulturore”.
Ky projekt i financuar nga ana e MKRS-se kap vlerën prej afro një milion eurosh dhe do jetë një mundësi e jashtëzakonshme për zhvillimin e jetës kulturore në këtë komune.
Ndërkaq, kryeministri i Kosovës, Ramush Haradinaj dhe kryetari i komunës së Obliqit, Xhafer Gashi falënderuan ministrin Gashi për punën, angazhimin dhe përkrahjen e tij drejt finalizimit të këtij projekti i cili do të jete në shërbim të qytetareve te komunës kësaj komune.