Koordinim për organizim të Kampionatit Botëror të Hendbollit në Kosovë

Sot, në një takim ndërmjet Ministrit të Kulturës, Rinisë dhe Sportit, Kujtim Shala dhe Kryetarit të Federatës së Hendbollit të Kosovës, Eugen Saraçini, u bisedua rreth organizmit të Kampionatit Botëror të Hendbollit për shtetet në zhvillim, kampionat ky që do të zhvillohet në Kosovë.

Ministri Shala e vlerësoi këtë aktivitet me një rëndësi të veçantë dhe shprehu gatishmërinë që MKRS-ja të ndihmojë në realizmin sa më të mirë të këtij kampionati botëror.

U dakordua që në ditët në vijim, nëpërmjet një memorandumi bashkëpunimi mes Ministrisë së Kulturës, Rinisë dhe Sportit, dhe Federatës së Hendbollit të realizohet kjo formë e mbështetjes.