Ministri Gashi takoi drejtuesit e FFK-së

02.10.2017

Ministri i Kulturës, Rinisë dhe Sportit, Kujtim Gashi, priti sot drejtuesit e Federatës së Futbollit të Kosovës, të udhëhequr nga kryetari Fadil Vokrri.

Ministri Gashi dhe kryetar Vokrri diskutuan për bashkëpunimin e ministrisë me Federatën në të kaluarën dhe për vazhdimin e tij në të ardhmen.

Ministri e shprehu gatishmërinë e plotë që të përkrah sportin me të përhapur në vend në të cilin nuk mungojë as aktivitetet e garat por edhe talentet. Ai tha se tashmë kur futbolli është ndërkombëtarizuar është me interes që klubet tona dhe Përfaqësuesja të prezantohen sa më mirë dhe sa më me cilësi.

Investimet kapitale janë ndër prioritetet që ministria është e fokusuar dhe përmirësimi i kushteve për futbollistë është detyrë e jona, tha ministri.

Nga ana e tij, kryetari Vokrri e informoi ministrin Gashi për punën që bën FFK-ja, për garat që po zhvillohen në të gjitha nivelet si dhe për aftësimin profesional të kuadrove nëpërmjet trajnimeve e seminareve.

Vokrri e falënderoi ministrin Gashi për gatishmërinë për të ndihmuar edhe më tutje FFK-në, duke theksuar shpresën që mbështetja të rritet edhe më shumë.

Prapa

KOSOVO IN UNESCO