Ministër i Kulturës, Rinisë dhe Sportit

Lutfi Haziri

Lutfi Haziri ka lindur më 8 Nëntor 1969 në Gjilan, Kosovë aktualisht Ministër i Kulturës, Rinisë dhe Sportit (2010). Z. Haziri gjithashtu është Nën-Kryetar i Lidhjes Demokratike të Kosovës (LDK), parti e qendrës së djathtë, që njëkohësisht është partia e dytë më e madhe në Kosovë. Z. Haziri është anëtar i Parlamentit të Kosovës, dhe gjatë viteve 2007-2010 ishte kryesues i Grupit Parlamentar të LDK-së, kurse tani është anëtar i Komisionit për Punë të Jashtme dhe anëtar i Komisionit Mbikëqyrës për Agjencinë e Kosovës për Inteligjencë në Parlamentin e Kosovës.   

Lutfi Haziri u zgjodh si Kryetar i Forumit Rinor të degës së LDK-së në Gjilan dhe shërbeu si kryetar i saj deri më 1997. Në vitin 1997, Z. Haziri u zgjodh si Zëvendës Kryetar i degës së LDK-së në Gjilan, si dhe anëtar i Këshillit të Përgjithshëm të LDK-së. Z. Haziri ka qëndruar në të dy funksionet deri në vitin 2000. Në tetor te vitit 1998, Z. Haziri u arrestua dhe u burgos nën akuzën se ka udhëhequr strukturat e Ushtrisë Çlirimtare të Kosovës (UÇK), në zonën e Karadakut (Gjilan).

Në vitin 2000 z.Lutfi Haziri, zgjidhet kryetar i Gjilanit, kurse më vonë  themeloi dhe u zgjodh kryesues i parë i Asociacionit të Komunave të Kosovës. Në këtë funksion, Z. Haziri ishte edhe Kryesues i Delegacionit të Komunave të Kosovës në Kongresin e Qeverisjes Lokale dhe Rajonale në Strasburg (Këshilli i Evropës).

Në 2004, Z. Haziri, ka themeluar Ministrinë e Pushtetit Lokal (2004) dhe më pas u kaloi në postin e Zëvendës Kryeministrit të Kosovës dhe njëkohësisht mbuloi portfolion e pushtetit lokal dhe të integrimeve evropiane (2006). Z. Lutfi Haziri, ka kryesuar delegacionin e Kosovës, në bisedimet për statusin politik të Kosovës me Serbinë, të cilat ishin drejtuar nga dërguari i posaçëm i OKB-se Z. Martii Ahtisaari.

Z. Haziri është qytetar nderi i Komunës së Luterbah-ut në Strasbourg, France dhe mban çmimin e ‘Commonwealth’ të Kentakit.

Z. Haziri ka diplomë për menaxhim në OSBE, certifikata të Universitetit Georgetown, Universitetit te Kolorados, një diplomë nga Instituti për Paqë i Shteteve të Bashkuara (USIP), si dhe mirënjohje e tjera nga organizatat lokale dhe ndërkombëtare

Z. Lutfi Haziri është i martuar dhe është baba i tri vajzave.